Vodafone og Völsungur skrifa undir samstarfssamning

Vodafone og Völsungur í samstarf. Lj.640.is

Vodafone og íþróttafélagið Völsungur gengu frá samstarfs-samningi þess efnis að Vodafone verði styrktaraðili félagsins. 

Í tilkynningu segir að megin-markmið samningsins sé að styðja dyggilega við það öfluga starf sem Völsungur stendur fyrir á Húsavík.

Í kjölfar samningsins mun Húsavíkurvöllur verða Vodafonevöllurinn á Húsavík.  Samningurinn er báðum aðilum mikilvægur, hann léttir undir rekstur félagsins og Vodafone leggur mikla áherslu á að styrkja íþróttastarf fyrir ungt fólk.

„Við hjá Vodafone erum afar stolt af því að vera styrktaraðili Völsungs. Það er mikilvægt að fjölbreytt íþróttarstarf sé á Húsavík og aðgengi barna að íþróttum sé gott. Það er okkur því sönn ánægja að taka þátt í því góða starfi sem fram fer hjá íþróttafélaginu Völsungi.“ Segir  Bjarni Freyr Guðmundsson rekstrarstjóri Vodafone á Norðurlandi.

„Íþróttafélagið Völsungur er mjög ánægt með að fá Vodafone sem styrktaraðila, það hjálpar til við að efla enn frekar það starf sem nú fer fram hjá félaginu.“ Segir Jónas Halldór Friðriksson framkvæmdastjóri Völsungs.

Á myndinni takast Bjarni Freyr og Jónas Halldór í hendur að lokinni undirskrift. Með þeim á myndinni eru Völsungarnir Björgvin Sigurðsson og Lilja Friðriksdóttir ásamt Guðlaugi Arnarssyni frá Vodafone.