visitlanganes.is kominn á netið

Sauðanes á Langanesi.

Nýr upplýsingarvefur sem hannaður er með snjalltæki í huga hefur nú opnað á vegum sveitar-félagsins Langanesbyggðar. 

Í tilkynningu á vef sveitarfélagsins segir að slóðin sé visitlanganes.is en mörg sveitarfélög hafa brugðið á það ráð að auglýsa sig undir þessum formerkjum og því þekkt leitarorð á alnetinu, visit+staðsetning. 

Vefurinn er tilkominn úr verkefninu „Miðlæg samskiptamiðstöð“ sem Uppbyggingarsjóður Norðausturlands styrkti en þar var markmiðið að skoða og bæta upplýsingamál.

Byrjað var á stuttri könnun til annarra lítilla sveitarfélaga á landinu, þar sem spurt var um upplýsingarmiðstöðvar og hvernig fyrirkomulag hefði reynst best, með kostum og göllum.

Niðurstaðan var að gera svokallaða kalda upplýsingamiðstöð, góðan vef sem hægt er að sýna á vettvangi ferðaþjónustuaðila sem og skoða almennt á internetinu þegar leitað er að upplýsingum um staðinn.

Í sumar hefur Hrefna Maren Jörgensdóttir starfað sem sumarnemi hjá Langanesbyggð í samstarfi við Þekkingarnet Þingeyinga og Vinnumálastofnun, en hún vinnur við efnisöflun á vefinn. Áhersla var lögð á íslenska hlutann til að byrja með og nú er unnið að enskri þýðingu.