Viðræðum miðar áfram

Fulltrúar frá Framsýn og Þingiðn funduðu með talsmönnum Samtaka atvinnulífsins og PCC í gær um sérkjarasamning aðila fyrir starfsemi PCC á Bakka.

Viðræðum miðar áfram
Almennt - Hafþór Hreiðarsson - Lestrar 126

Fulltrúar frá Framsýn og Þingiðn funduðu með talsmönnum Samtaka atvinnulífsins og PCC í gær um sérkjarasamning aðila fyrir starfsemi PCC á Bakka.

Samningurinn rann út um síðustu áramót, frá þeim tíma hafa samningsaðilar hist reglulega til ræða kröfur stéttarfélaganna um breytingar á núverandi samningi.  

Á heimasíðu Framsýnar segir að viðræðurnar hafi þokast áfram í gær og verður fundarhöldum haldið áfram á næstu dögum.

Stéttarfélögin hafa lagt mikla áherslu á að klára viðræðurnar í maí, ef ekki þurfi félögin að fara að huga að frekari aðgerðum til að knýja á um gerð sérkjarasamnings milli aðila.


  • Steinsteypir

640.is | Ábyrgðarmaður Hafþór Hreiðarsson | vefstjori@640.is | Sími: 895-6744