Valgerður Gunnarsdóttir skipuð skólameistari FSH

Valgerður Gunnarsdóttir hefur verið skipuð skólameistari Framhaldsskólans á Húsavík.

Valgerður Gunnarsdóttir skipuð skólameistari FSH
Almennt - Hafþór Hreiðarsson - Lestrar 574

Valgerður Gunnarsdóttir.
Valgerður Gunnarsdóttir.

Valgerður Gunnarsdóttir hefur verið skipuð skólameistari Framhaldsskólans á Húsavík. 

Í tilkynningu segir að fenginni umsögn skólanefndar Framhaldsskólans á Húsavík hafi Lilja Alfreðsdóttir, mennta- og menningarmálaráðherra, ákveðið að skipa Valgerði í embættið en skipað er til fimm ára frá og með 1. ágúst 2018. Tvær umsóknir bárust um embættið.

Valgerður lauk B.A. prófi í íslensku frá Háskóla Íslands, námi í kennslu- og uppeldisfræði frá Háskólanum á Akureyri og diplómanámi í stjórnun og forystu í skólaumhverfi frá Endurmenntun Háskóla Íslands. Valgerður hefur víðtæka reynslu af skólastarfi sem kennari, námsráðgjafi, deildarstjóri í Framhaldsskólanum á Húsavík og skólameistari Framhaldsskólans á Laugum. 

Valgerður hefur einnig víðtæka reynslu af sveitarstjórnarmálum sem bæjarfulltrúi og forseti bæjarstjórnar. Hún hefur enn fremur gegnt ýmsum trúnaðar¬störfum, þar á meðal formennsku í Skólameistarafélagi Íslands, setið í stjórn Útgerðarfélagsins Höfða og í stjórn Menningarsjóðs þingeyskra kvenna.

Valgerður sat á Alþingi 2013-2017 og var formaður umhverfis- og samgöngunefndar Alþingis 2016-2017. Hún hefur verið varaþingmaður frá í maí 2018.


  • Steinsteypir

640.is | Ábyrgðarmaður Hafþór Hreiðarsson | vefstjori@640.is | Sími: 895-6744