Undanúrslitaleikur á Húsavíkurvelli

Eins og áður hefur komið fram á 640.is vann meistaraflokkur karla sinn riðil í Lengjubikarnum og það án þess að tapa leik.

 

Þeir eru því komnir áfram í undanúrslit mótsins og mun liðið mæta Leikni Fáskrúðsfirði á morgun, Sumardaginn fyrsta, klukkan 14:00 á gervigrasinu hér á Húsavík.

 

Leiknir unnu alla leiki í sínum riðli og komust með sannfærandi hætti í undanúrslitin. Því má búast við hörku leik á morgun og um að gera að mæta á völlinn og hvetja strákana til sigurs og um leið í úrslit Lengjubikarsins.