Tvær sækja um stöðu skólameistara FSH

Umsóknarfrestur um stöðu skólameistara Framhaldsskólans á Húsavík rann út mánudaginn 11. júní sl.

Í tilkynningu segir að Mennta- og menningarmálaráðuneyti hafi borist umsóknir um stöðuna frá tveimur umsækjendum.

Umsækjendur eru Herdís Þ. Sigurðardóttir settur skólameistari FSH og Valgerður Gunnarsdóttir skólameistari.

Miðað er við að mennta- og menningarmálaráðherra skipi í embættið til fimm ára frá og með 1. ágúst nk., sbr. 1. mgr. 6. gr. laga um framhaldsskóla nr. 92/2008 og laga um réttindi og skyldur starfsmanna ríkisins, nr. 70/1996.