Tónlistarskólinn fékk veglega gjöf á Uppskeruhátíð skólans

Árni Sigurbjarnarson og Arna Þórarinsdóttir.

Laugardaginn 11. mars sl. var Uppskeruhátíð Tónlistarskóla Húsavíkur haldin í sal Borgarhólsskóla.

Tvennir tónleikar voru haldnir þar sem fjölmörg ungmenni komu fram og sýndu hæfni sína með fjölbreyttum tónlistar-flutningi.

Þá voru valin atriði sem taka þátt í svæðistónleikum Nótunnar, uppskeruhátíðar tónlistarskól-anna, fyrir Norður- og Austurland sem fram fara í Egilsstaðakirkju í dag. 

Valnefnd mun velja sjö atriði af þeim tónleikunum sem munu öðlast rétt til þátttöku á lokahátíð Nótunnar í Hörpu.

Þau sem valin voru til Egilsstaðarfararinnar eru:

Fannar Ingi Sigmarsson, gítar. Karítas Embla Kristinsdóttir, harmóníka. Magnús Karl Kjerúlf, harmóníka. Brynja Kristín Elíasdóttir, gítar. Hafdís Inga Kristjánsdóttir, söngur. Friðrika Bóel Jónsdóttir, píanó og Elín Anna Óladóttir, píanó.

Hollvinasamtök tónlistarskólans, Heiltónn, var með kaffisölu á milli tónleika og rann ágóðinn til tónlistarskólans. Þá afhentu þau tónlistarskólanum peningagjöf sem er afrakstur söfnunarátaks til kaupa á nýjum hljóðfærum fyrir skólann en það átak hófst með höfðinlegri gjöf Bláfjalls ehf. á síðasta ári. 

Árni Sigurbjarnarson skólastjóri TH tók við gjöfinni en meðal hljóðfæranna sem keypt voru má telja; hljóðkerfi, klassískan gítar, rafmagnsgítar, magnara og fleira. Hluti þeirra fer til austursvæðis tónlistarskólans og hluti á Húsavíkursvæðið en heildarupphæð gjafarinnar er um 700.000 kr.

Arna Þórarinsdóttir formaður Heiltóns afhenti Árna Sigurbjarnarsyni gjafabréfið.

Katla Marín Þorkelsdóttir.

Reynir Gunnarsson tónlistarkennari við Öxarfjarðarskóla ásamt ungum gítarnemanda. 

Hermann Veigar Ragnarsson.

Hafdís Inga Kristjánsdóttir.

Erna Rún Stefánsdóttir.

Emil Stefánsson.

Jón Alexander.

Sindri Hrafn Tryggvason.

Hollvinasamtökin veittu nemendum smá viðurkenningu í lok tónleikanna.

Með því að smella á myndirnar er hægt að fletta þeim og skoða í stærri upplausn.