Tólf leikmenn skrifa undir hjá meistaraflokk kvenna

Hafrún Olgeirsdóttir er uppalinn Völsungur og lék síðast með félaginu árið 2011. Hafrún hefur leikið 81 leik í deild og bikar fyrir Völsung og skorað í þeim 71 mark. Undanfarin ár hefur hún leikið með Þór/KA í Pepsideildinni. Hafrún skrifaði undir eins árs samning við Völsung.

Arna Benný Harðardóttir skrifaði einnig undir eins ár samning við Völsung. Hún lék með Völsungi frá 2006 til 2008 áður en hún skipti yfir í Þór/KA þar sem hún lék með liðinu í Pepsideildinni.

Amanda Mist Pálsdóttir og Sgrún Ösp Aðalgeirsdóttir skifuðu báðar undir eins ár samning við Völsung. Þær eru báðar fæddar árið 1995 og eru því að ganga uppúr 2. flokk. Sigrún Ösp ólst upp á Húsavík til 10 ára aldurs og er því vön að spila í græna búningnum. Amanda er dóttir Páls Viðars Gíslasonar þjálfara meistaraflokks karla. Þær hafa verið viðriðnar meistaraflokkslið Þór/KA undanfarin ár og verður gaman að sjá þær í Völsungsbúningnum í sumar. 

Við sama tækifæri skrifuðu Harpa Ásgeirsdóttir, Berglind Ósk Kristjánsdóttir, Ásrún Ósk Einarsdóttir, Jóney Ósk Sigurjónsdóttir, Dagbjört Ingvarsdóttir, Anna Guðrún Sveinsdóttir, Nína Björk Friðriksdóttir og Lovísa Björk Sigmarsdóttir undir samning við félagið. Harpa, Berglind og Anna Guðrún skrifuðu undir eins ár samning á meðan hinar gerðu tveggja ára samning við félagið.

Á heimasíðu Völsungs segir að mikil ánægja sé innan raða félagsins með að þessar stelpur hafi ákveðið að skrifa undir samning við Völsung og ákveðið að taka slaginn með liðinu í sumar.

Meistaraflokkur kvenna leikur í 1. deildinni í sumar í riðli með Einherja, Fjarðabyggð, Hömrunum, Hetti, Tindastól og Sindra.

Hópmynd frá undirskriftinni um síðastliðna helgi. Á myndina vantar Önnu Guðrúnu og Sigrúnu Ösp. Á myndinni eru einnig Jana Björk Róbertsdóttir og Karólína Pálsdóttir, þær eru samningsbundar Völsungi og skrifuðu því ekki undir að þessu sinni.

Efri röð f.v: Lovísa Björk, Arna Benný, Amanda Mist, Jóney Ósk, Dagbjört, Berglind Ósk, Hafrún, Ásrún. 
Neðri röð f.v: Jana, Harpa, Róbert Ragnar(Danni) þjálfari, Nína Björk og Karólína. Ljósmynd. volsungur.is

Fleiri myndir frá undirskriftinni má sjá á heimasíðu Völsungs.