ÞÚ skiptir máli gefa út geisladisk

Í  tilefni af 10. september s.l. sem er Alþjóðlegur dagur helgaður sjálfsvígsforvörnum gefa forvarnasamtökin ÞÚ skiptir máli í Norðurþingi út geisladiskinn „ROKKUM gegn sjálfsvígum“.

Diskurinn inniheldur upptöku frá glæsilegum tónleikum Tónasmiðjunnar og gesta sem haldnir voru í Húsavíkurkirkju árið 2018 þar sem heiðursgestur var Magni Ásgeirsson.

Þessi diskur er gefin út til styrktar Píeta samtökunum á Íslandi en Píeta samtökin sinna forvarnarstarfi gegn sjálfsvígum og sjálfsskaða og styðja við aðstandendur og er meðferð þeirra skjólstæðinga að öllu gjaldfrjáls, samtökin ÞÚ skiptir máli vilja rétta þeim hjálparhönd með þessu móti og hvetja ÞIG til að hjálpa til, með því að kaupa þér eintak af þessum eigulega grip.

Diskurinn er tvöfaldur og inniheldur 20 lög úr sýningunni, flytjendur er flottur hópur, um 40 einstaklingar á öllum aldri þar sem sú yngsta er aðeins 8 ára,  meðal söngvara á disknum eru Magni Ásgeirsson,  Kristján Þór Magnússon, Valdís Jósefsdóttir, Bylgja Steingrímsdóttir, Edda Björg Sverrisdóttir, Tryggvi Hrafn Sigurðsson, ásamt Stúlknakór Húsavíkur og fleirum. 

Diskurinn kostar aðeins 3000 krónur og fer ALLUR ágóði af sölu disksins til Píeta samtakanna. – Kæri vinur mundu að - ÞÚ skiptir máli. Diskurinn  verður til sölu hjá okkur og er hægt að senda okkur tölvupóst á thuskiptirmali@gmail.com og við sendum þér gripinn heim að dyrum.  –  Með fyrirfram þakkir / ÞÚ skiptir máli Forvarnasamtök.