20. maí
Tap hjá strákunum fyrir austanAlmennt - - Lestrar 258
Það var markaveisla á Fellavelli í dag þegar Völsungur var í heimsókn og spilaði gegn Hetti í 2. deild karla.
Alls voru skoruð sex mörk í leiknum en því miður voru Völsungar bara tvívegis að verki og því fóru heimamenn með sigur af hólmi 4-2.
Sæþór Olgeirsson skoraði bæði mörk Völsungs og er kappinn sjóðandi heitur, kominn með sex mörk eftir þrjá leiki. Þar af fjögur úr vítum en hann skoraði einmitt síðara mark sitt í dag úr vítaspyrnu rétt fyrir leikslok. Hið fyrra gerði hann eftir óbeina aukaspyrnu á 16. mínútu fyrri hálfleiks.
Steinar Aron Magnússon og Ignacio Gonzalez Martinez skoruðu báðir tvívegis fyrir heimamenn.