Svekkjandi tap í bikarnum

Völsungar fagna stigi.

Völsungur tók í gærkveldi á móti Aftureldingu B, sem leikur í 1. deild Íslandsmótsins, í bikarkeppni kvenna í blaki.

Ekki hafði verið leikinn opinber blakleikur á Húsavík í um 20 ár og var því öllu tjaldað til og vel mætt í höllina.

Lið Völsungs byrjaði vel, þær unnu fyrstu tvær hrinur leiksins 25-16 og 25-16. 

Lið Aftureldingar kom til baka og vann þriðju hrinu 15-25 og einnig þá fjórðu 23-25.

Oddahrinan var spennandi og endaði með naumum sigri Aftureldingar B 13-15 sem vann þar með leikinn 2-3 og er komið áfram í bikarnum. 

Völsungar byrjuðu vel og unnu fyrstu tvær hrinurnar.