Strandfuglar Sigurjóns

Sigurjón við strandfuglana. Ljósmynd Gaukur.

Á Mærudaginn var afhjúpað listaverkið Strandfuglar eftir Sigurjón Pálsson á þaki verbúðarinnar.

Vaðfuglar Sigurjóns eru þekktir en Normann Copenhagen í Kaupmannahöfn framleiða þá og selja í verslun sinni og til endursöluaðila út um allan heim.

Strandfuglarnir eru í yfirstærð eins og Sigurjón komst að orði þegar hann þakkaði þann heiður og traust sem honum var sýnt þegar sveitarfélagið falaðist eftir því að fá að setja fuglana hér upp.

" Þessir fuglar eiga sér nú langa sögu því hún byrjar fyrir einum sextíu árum. Ég var alinn upp til níu ára aldurs hér steinsnar frá, í húsi sem hét Hornbjarg og stóð á horni Stóragarðs og Ketilsbrautar.

Ég ólst þar upp með móður minni sem bjó í foreldrahúsum og afi minn, Sigurjón Ármansson sem gekk mér eiginlega í föðurstað meðan hans naut við, var mikill náttúruunnandi.  Og hann kenndi mér má segja það sem ég veit um fugla". Sagði Sigurjón en afi hans var kennari og bæjargjaldkeri á Húsavik og strandfuglarnir tileinkaðir honum.

Sigurjón flytur hér smá tölu.

Kristján Þór bæjarstjóri og Sigurjón afhjúpuðu listaverkið.