18. nóv
Skúr boðinn upp til styrktar góðu málefniAlmennt - - Lestrar 352
Lítill skúr sem notaður hefur verið sem vaktskýli við Jarðböðin í Mývatnssveit var boðin upp á dögunum og rennur andvirði sölunnar til góðgerðarmála.
Það var Vatnajökulsþjóðgarður sem átti hæsta boð í skúrinn og mun hann því verða fluttur í þjóðgarðinn þar sem hann mun gegna hlutverki varðskýlis. Skúrinn þurfti að fjarlægja úr Jarðböðunum vegna breytinga.
Þetta kemur fram í tilkynningu frá Jarðböðunum í Mývatnssveit. Andvirði sölunnar rennur óskipt til Velferðasjóðar Þingeyinga og segir forsvarsmaður sjóðsins peninga koma sér vel þar sem gengið hefur á sjóðinn að undanförnu. (ruv.is)