Skemmtileg kvöldstund í Skansinum

Friðrik Jónasson glaðbeittur með sigurinn.

Fjölmennt var í Skansinum við Hvalasafnið sl. föstudagskvöld þegar Fjáreigendafélag Húsavíkur stóð fyrir hrútasýningu

Sýningin var í samstarfi við Karlakórinn Hreim, Handverks-húsið Kaðlín, Norðlenska og Markaðsráð kindakjöts. 

Þetta var skemmtileg kvöldstund og eftir að dómarar höfðu þuklað og kreist hrútana í bak og fyrir var það hrúturinn Valur sem stóð uppi sem sigurvegari. Valur er í eigu frístundabóndans Friðriks Jónassonar og fjölskyldu.

Annar varð hrúturinn Daði sem er í eigu Grobbholtsbænda.

Yfirdómari var Guðrún Dís Emilsdóttir bæjarstjórafrú og með henni dæmdu þeir Guðmundur Jónsson í Fargraneskoti og Sigurður Þórarinsson í Skarðaborg.

Karlakórinn Hreimur söng í brekkunni við Skansinn.

Handverkshúsið Kaðlín var með tískusýningu.

Þórarinn Ingi Pétursson formaður Landsamtaka sauðfjárbænda og kollegi hans í félagi Húsvískra fjáreigenda.

Pétur Helgi Pétursson var kynnir að venju og hér ræðir hann við Sigurð í Skarðarborg sem var einn þriggja dómara.

Guðmundur í Fagraneskoti var einnig dómari og hér er hann kynntur til leiks.

Gunna Dís var yfirdómari enda ýmsu vön úr sveitinni. En þarna virðist eitthvað hafa komið bæjatsjórafrúnni á óvart.

„Meðan þuklarar athafna sig þarf einn að halda í hrútinn. Sá er kallaður íhaldsmaður". Segir í grein um hrútaþukl. Hér það Trausti Aðalsteinsson sem er íhaldsmaðurinn..

Þórarinn Ingi afhenti Frissa verðlaunin.

Þingeyskir sauðfjárbændur sáu um að framreiða lambakjötið sem starfsmenn Norðlenska grilluðu. Fv. Einar Ófeigur Björnsson Lóni, Böðvar Baldursson Heiðargarði, Hólmfríður Þorkelsdóttir Fagraneskoti og Jóhannes Héðinsson Fjöllum II.

.

Það var fjölmennt í Skansinum enda hrútasýningin vinsæl.