Sjálfboðaliðar stinga skógarkerfil við MývatnAlmennt - - Lestrar 282
Fyrsta hópátak sumarsins í upprætingu skógarkerfils við Mývatn var gert miðvikudaginn 5. júní.
Á heimasíðu Skútustaðahrepps segir að fimmtán nemendur á aldrinum 15-18 ára og þrír kennarar þeirra við Providence Day School, Charlotte, North Carolina hafi tekið til hendinni í slydduhríð og vindbelgingi.
Helmingur hópsins stakk upp á Geiteyjarströnd en helmingur á Arnarvatni. Krakkarnir voru duglegir og lögðu sig fram við verkið. Leiðbeinendur voru Daði Lange og Hjördís Finnbogadóttir og skýrðu þau frá átaksverkefninu sem í gangi er í sveitarfélaginu og snýst um að takmarka útbreiðslu ágengra tegunda, einkum skógarkerfils og lúpínu.
Bandarísku gestirnir voru áhugasamir um húsdýr Mývetninga, einkum hesta og lömb. Í lokin var þeim boðið að skoða skrautlömbin í Haganesi og þótti mikið til koma.