Samstarfssamningur á milli Íþróttafélagsins Völsungs og Íslandsbanka undirritaður

Guðrún Kristinsdóttir og Margrét Hólm.

Líkt og undanfarin ár hafa Íþróttafélagið Völsungur og Íslandsbanki gert með sér samstarfssamning sem hefur það að markmiði að styðja Íþróttafélagið Völsung í íþróttalegu og uppeldislegu hlutverki sínu á Húsavík. 

Samningurinn sem gildir út árið 2018 felur m.a. í sér, að auk árlegs styrks, sem stjórn Völsungs sér um að skipta á milli deilda félagsins.

Þá veitir Íslandsbanki viðurkenningar þar sem íþróttafólk Völsungs er heiðrað í lok ársins og tekur einnig þátt í Sólstöðuhlaupi Völsungs með mótframlagi en öll þátttökugjöld vegna hlaupsins renna til góðgerðarstarfsemi á svæðinu.  

Sú nýbreytni er í samningnum að Völsungur tekur að sér umsjón og framkvæmd Mærudagshlaups Íslandsbanka en hlaupið er haldið á laugardegi um Mærudagshelgi og hefur verið vel sótt undanfarin ár. 

Formaður Völsungs, Guðrún Kristinsdóttir og útibússtjóri Íslandsbanka á Húsavík, Margrét Hólm Valsdóttir undirrituðu samninginn fyrir hönd aðila.