Samið við Björgunarsveitina Stefán og Slysavarnadeildina Hring

Sigríður, Þorsteinn og Kristján takast í hendur

Sveitarstjórn Skútustaðahrepps hefur samþykkt samning við Björgunarsveitina Stefán og Slysavarnadeildina Hring um almennan stuðning sveitarfélagsins við rekstur félaganna til næstu þriggja ára.

Er þetta í fyrsta sinn sem  formlegur samningur er gerður á milli þessara aðila en hann rúmast innan fjárhagsáætlunar ársins.

Á heimasíðu Skútustaðahrepps segir að þetta sé virkilega ánægjulegt enda gegni bæði björgunarsveitin og slysavarnadeildin mikilvægu hlutverki í samfélaginu.

Á meðfylgjandi mynd frá undirritun samningsins eru fv. Sigríður Jóhannesdóttir formaður slysavarnadeildarinnar Hrings, Þorsteinn sveitarstjóri og Kristján Steingrímsson formaður Björgunarsveitarinnar Stefáns.

Myndin er fengin af heimasíðu Skútustaðahrepps.