Reykjafoss sá fyrsti í 11 ár

Reykjafoss við Bökugarðinn.

Reykjafoss, skip Eimskipafélags Íslands, kom til Húsavíkur eftir hádegi í dag og lagðist að Bökugarðinum.

Þetta er í fyrsta skipti síðan í nóvember 2004 sem skip félagsins hefur haft viðkomu á Húsavík en þá lauk strandsiglingum í þeirri mynd sem þá var.

Þessi viðkoma er tilkomin vegna aukinna umsvifa í Norðurþingi, bæði á svæðinu við Þeistareyki og á Bakka.

Í fréttatilkynningu frá Eimskip segir að atvinnurekendur á svæðinu séu að vonum ánægðir með þessa auknu þjónustu Eimskips og og sagði Gunnlaugur Karl Hreinsson, forstjóri GPG að hann fagnaði því að Reykjafoss hefði nú viðkomu á Húsavík á leið sinni til Evrópu.

Reykjafoss er fyrsta skip Eimskafélagsins sem hefur viðkomu á Húsavík í 11 ár.

Karl Óskar Aðalsteinsson starfsmaður Norðurþings og Vilhjálmur Sigmundsson hjá Eimskip taka hér við endunum.

Reykjafoss er með stærri fragtskipum sem til Húsavíkur hafa komið eða 127 metrar á lengd.

með því að smella á myndirnar má fletta þeim og skoðaí stærri upplausn.

Hér má skoða myndir frá því þegar Mánafoss sigldi í hinsta sinn frá Húsavík 29. nóvember 2004