Rebekka Kristín ráðin til SSNEAlmennt - - Lestrar 401
Rebekka Kristín Garðarsdóttir hefur verið ráðin í starf verk-efnastjóra hjá SSNE.
Rebekka er uppalin á svæðinu, hefur búið á Kópasker, Raufarhöfn, Þórshöfn og Akureyri.
Undanfarin 18 ár hefur hún búið í Asíu, aðallega í Hong Kong og starfað á alþjóðlegum markaði.
Rebekka Kristín er með BSc próf í viðskiptafræði frá Háskólanum í Reykjavík auk þess að hafa alþjóðlegt IATA-UFTAA próf í ferðamálafræði.
Í tilkynningu segir að Rebekka hafi starfað við umfangsmikla verkefnastjórnun, stjórnun og rekstur um 18 ára skeið. Rebekka hefur verið í leiðandi hlutverki í störfum sínum og hluti af verkefnum hennar hafa verið stofnun, uppsetning og rekstur fyrirtækis, uppsetning starfsstöðva, sókn á nýja markaði, fyrirtækjaráðgjöf, viðburðastjórnun, nýsköpun og daglegur rekstur og stjórnun. Hún hefur því yfirgripsmikla þekkingu og reynslu á öllum þessum sviðum.
Rebekka hefur haft atvinnu af tengslamyndun og eftir langa dvöl erlendis er Rebekka með afburðagóða hæfni í ensku og góðan skilning á fjölbreytileika mannlífsins.
Alls sóttu 75 einstaklingar um stöðu verkefnastjóra.