Ósk um stuðning Norðurþings við Könnunarsögusafnið hafnað

Í erindinu sagði að safnið sé sjálfseignarstofnun og ekki rekið i hagnaðarskyni. Safnið taki reglulega á móti nemendum leik- og grunnskóla sveitarfélagsins og hafi auk þess á hverju ári frá stofnun þess komið með fyrirlestra og vinnustofur inn í Borgarhólsskóla á Húsavík.

 

Þá hefur safnið skapað jákvæða umræðu og stutt við uppbyggingu ferðamennsku á svæðinu með yfir 50 umfjöllunum í erlendum miðlum frá stofnun þess.

 

Byggðarráð þakkaði erindið og tekur undir með forsvarsmanni Könnunarsögusafnsins að safnið sé aðdráttarafl í flóru menningar á svæðinu. Byggðarráð telur hins vegar ekki fjárhagslegar forsendur til að koma til móts við beiðni um fjárhagslegan stuðning.