Orkugangan fór fram í blíðskaparveðri

Orkugangan fór fram í blíðskaparveðri sl. sunnudag

Buch-Orkugangan var haldin sl. sunnudag 13. apríl sl. í blíðskaparveðri við hinar bestu brautaraðstæður.

Keppendur í 60 km. göngunni voru rúmlega tuttugu og voru ræstir frá Leirhnjúki ofan við Kröflustöð kl. 10.

Fyrstur í mark var Kristbjörn R. Sigurjónsson, Ísafirði, á tímanum 3:06:17, annar var Gísli Einar Árnason frá Akureyri á tímanum 3:06:24 og þriðji Birkir Þór Stefánsson frá Ströndum á tímanum 3:06:54

Í flokki kvenna var Lisbeth Weltha frá Noregi fyrst í mark á tímanum 4:36:31, önnur var Ingunn Fjortoft, Noregi, á tímanum 04:48:28 og þriðja Brynhildur Gísladóttir frá Húsavík á 5:25:24

Í styttri göngum, 25 km., 10 km. og 1 km. voru hátt í fjörtíu keppendur. 

Rásmark 25 km. göngu var við Þeistareyki og í 10. km sunnan Höskuldsvatn.

Fjallasýn Rúnars Óskarssonar sá um að flytja alla keppendur að rásmarki því vegna mikilla snjóalaga var vegurinn ófær.

Fyrstur í 25 km. göngu var Arnar Guðmundsson, Húsavík, á tímanum 1:44:52. Í öðru sæti var Birkir Þór Jónasson, Húsavík, á tímanum 02:06:38 og í þriðja sæti var Ingvar Berg Dagbjartsson, Húsavík, á tímanum 02:18:12.

í 10 km. göngu var það Sigurður Helgi Ólafsson, Húsavík, á tímanum 00:46:52. Í öðru sæti var Bárður Örn Birkisson á tímanum 01:07:49 og bróðir hans, Björn Hólm Birkisson varð þriðji á tímanum 01:10:06. Þeir eru 14 ára og koma úr Kópavogi.

Guðrún Kristín Kristinsdóttir, Kópavogi, var fyrst kvenna í 25. km. göngunni á tímanum  02:27:33 en Guðrún er 14 ára að aldri. Í  öðru sæti var Linda Margrét Baldursdóttir, Húsavík,  á tímanum 02:52:17 og í þriðja sæti Jónína Hermannsdóttir, Húsavík, á tímanum 02:56:36.

Í 10 km. göngunni var Guðný Katrín Kristinsdóttir, 12 ára úr Kópavogi, fyrst í mark á tímanum 00:53:42. Í öðru sæti var Sigríður Drífa Þórólfsdóttir, Hólmavík,á tímanum 00:53:42 og í þriðja sæti Dagmar Kristjánsdóttir, Húsavík, á tímanum 01:03:28.

Hér má sjá öll úrslit í Orkugöngunni 2014.

Flottur hópur krakka tók svo þátt í 1 km. göngunni.

Síðdegis var boðið til kjötsúpuveislu og verðlaunaafhendingar í Miðhvammi og voru allir mjög sáttir við góðan dag þar sem allt hélst í hendur, veður og brautaraðstæður.

Verðlaunagripir voru hannaðir og unnir af Jónu Birnu Óskarsdóttur keramikhönnuð og Arnhildi Pálmadóttur arkitekt á Húsavík.

Mótsstjórn Orkugöngunnar vill þakka öllum þátttakendum, sjálfboðaliðum og áhorfendum fyrir góðan dag. Sérstaklega vill hún þakka öllum þeim fjölmörgu styrktaraðilum sem lögðu okkur lið, þessi stuðningur gerir okkur kleift að hafa umgjörð Orkugöngunnar með þeim veglega hætti sem hún er.