Orkugangan fór fram blíðskaparveðri

20. apr

Orkugangan fór fram blíðskaparveðri
Íþróttir - - Lestrar 529

Guðrún Þórhildur. Lilja og Erla tóku þátt.

Orkuganga skíðagöngudeildar Völsungs var haldin um liðna helgi í blíðskaparveðri uppá Reykjaheiði.

Gangan var með óhefðbundnu sniði að þessu sinni sökum snjóalaga, ekki var nægur snjór til að ganga neðan úr Kröflu og því var gengið frá Þeistareykjum.

Boðið var upp á þrjár vegalengdir að þessu sinni. 20 km göngu sem var ræst frá Þeistareykjum, 6 km göngu og 1 km göngu. Styttri göngurnar fóru fram á félagssvæði skíðagöngudeildarinnar á Reykjaheiði.

Göngurnar hepnuðust vel og voru í heildina 48 keppendur skráðir til leiks. Í 20 km göngunni voru 34 keppendur sem hófu keppni. í 6 km göngunni voru 8 keppendur og í 1 km göngunni voru 6 skráðir til leiks.

Gísli Einar Árnason kom fyrstur í mark í 20 km göngunni með frjálsri aðferð á tímanum 57:53. Í 20 km göngunni með hefðbundinni aðferð kom Birkir Þór Stefánsson fyrstur í mark á tímanum 1:08;28. Óli Svavar Hallgrímsson kom síðan fyrstur í mark í 6 km göngunni á tímanum 30:42;14.

Öll úrslit úr göngunni má síðan nálgast hér að neðan.

Heildarútslit göngunnar má nálgast HÉR.

Úrslit eftir flokkum má nálgast HÉR.

« Til baka