Neytendastofa sektar Norðursiglingu fyrir villandi markaðssetningu

Andvari lætur úr höfn en hann er rafknúinn.

Neytendastofa hefur lagt 500.000 kr. stjórnvaldssekt á fyrirtækið Norðursiglingu ehf. fyrir að hafa brotið gegn ákvörðun stofnunarinnar frá 8. febrúar 2017. 

Á heimasíðu Neytendastofu segir að með fyrri ákvörðun Neytendastofu var Norðursiglingu bönnuð notkun myndmerkis og textans „Carbon Neutral“ í markaðssetningu fyrirtækisins þannig að villandi væri fyrir neytendur og ósanngjarnt gagnvart keppinautum. 

Að mati Neytendastofu voru úrbætur Norðursiglingar á markaðssetningarefni fyrirtækisins ófullnægjandi. Taldi Neytendastofa því nauðsynlegt að leggja stjórnvaldssekt á fyrirtækið. 

Ákvörðunina má lesa í heild sinni hér. 

Í frétt Vikudags um málið kemur fram bendir Guðbjartur Ellert Jónsson, framkvæmdastjóri Norðursiglingar ehf. á að fyrirtækið hefði fjórar vikur til að kæra ákvörðun stofnunarinnar til áfrýjunarnefndar neytendamála og að það kæmi til greina að gera það.