Náttúrustofan fjárfestir í dróna

Drónamynd af Skoruvíkurbjargi. nna.is

Náttúrustofa Norðausturlands fjárfesti í dögunum í dróna sem kemur til með að nýtast stofunni vel við margvísleg verkefni. 

Á heimasíðu NNA segir að dróninn komi t.d. til með að auðvelda vöktun sumra fuglastofna þar sem hægt verður að mynda varpbyggðir (t.d. hjá súlum og öðrum bjargfuglum) ofan frá eða beint framan á björgin.

Einnig verður hægt að nýta hann við kortlagningu á dreifingu gróðurs í vötnum síðsumars samhliða vatnavöktun Náttúrustofunnar. Dróninn mun þar að auki nýtast vel við gerð yfirlitsmynda í tengslum við hin ýmsu verkefni, útseld sem önnur, sem Náttúrustofan tekur að sér.