Magnað Þorrablót í höllinni

Sólmundur Hólm og Kristján Þór.

Kvenfélag Húsavíkur hélt Þorra-blót sitt í íþróttahöllinini sl. laugardagskvöld enda styttist í Þorrann og þær kvenfélagskonur þjófstarta honum að venju.

Rúmlega fjögur hundruð gestir voru á blótinum sem þótt sérlega vel heppnað.

Sólmundur Hólm var veislustjóri og fór á kostum.  Magnað að heyra hann herma eftir Gylfa Ægis og Pálma Gunnarssyni í söng.

Bæjarstjórahjónin fluttu minni kvenna og karla og óhætt að segja að þau hafi slegið í gegn sem og skemmtiatriði Þorrablótsnefndarinnar.

Þegar þorramatnum hafði verið gerð góð skil og dagskráin tæmd lék hljómsveit Halla Píp fyrir dansi fram eftir nóttu.

Það vantaði ekki kræsingarnar í trogið hjá Guðrúnu Ósk, Rósu Borg, Jónínu og Ellu Sig.

Gunna Dís flutti minni karla…...

…. og Kristján Þór minni kvenna.

Sóli og Kristján Þór tóku lagið Íslenska konan þar sem Sóli söng í stað Pálma Gunnarssonar. Héldu blótsgestir fyrst í stað að Pálmi væri mættur á sviðið svo vel nær Sóli honum. 

Skemmtiatriðin voru góð og hér brast á fjöldadans.