Langanesbyggð styrkir Björgunarsveitina Hafliða

Elías og Þórarinn handsala samninginn.

Í gær var skrifað undir samning á milli Björgunarsveitarinnar Hafliða og Sveitarfélagsins Langanesbyggðar.

Á heimasíðu Langanesbyggðar segir að samingurinn sé til þriggja ára og feli í sér árlegan styrk uppá 700 þúsund krónur.

Þar segir jafnfram að styrkurinn komi sér eflaust vel fyrir björgunarsveitarfólk og starfssemi Hafliða.  

Venju samkvæmt var nóg að gera hjá björgunarsveitinni um jól og áramót í flugeldasölu, brennuumsjón sem og sérstöku sambandi þeirra við jólasveinana sem þeir aðstoða eftir bestu getu.

Á meðfylgjandi mynd af heimasíðu Langanesbyggðar handsala þeir saminginn, Elías Pétursson sveitarstjóri og Þórarinn Þórisson formaður Björgunarsveitarinnar Hafliða.