Jónas Halldór ráðinn framkvæmdarstjóri Völsungs

Jónas Halldór íleik með Völsungi á árum áður.

Jónas Halldór Friðriksson hefur verið ráðinn framkvæmdarstjóri Völsungs en hann tekur við starfinu af Þorsteini Marinóssyni sem hefur sinnt því frá því haustið 2017.

Jónas þekkir félagið vel enda hefur hann áður gengt starfi framkvæmdastjóra Völsungs, eða frá vori 2014 fram að hausti 2016. 
Jónas er uppalinn Húsvíkingur og spilaði lengi með meistaraflokki Völsungs í knattspyrnu.

Undanfarið  hefur Jónas búið og starfað í Þingeyjarsveit en jafnframt þjálfað yngri flokka í fótbolta hjá Völsungi.

Í tilkynningu frá Völsungi er Jónas boðinn velkominn til starfa og honum óskað velfarnaðar í starfi.