Jökull kemur með Háey II til Húsavíkur um miðnætti

Háey II á strandstað við Raufarhöfn.

„Drátturinn gengur bara vel, við verðum í höfn um miðnætti“. Sagði Hjalti Hálfdánarson skipstjóri á Jökli ÞH í samtali við 640.is í kvöld. Jökull er með Háey II ÞH í togi en eins og komið hefur fram í fréttum strandaði hún við Raufarhöfn um hádegisbil í dag.

Hjalti sagði lítinn sem engan leka hafa komi að bátnum en kafari skoðaði botn bátsins þegar komið var að bryggju. Báturinn verður hífður á land í nótt og koma þá skemmdirnar betur í ljós.

Eyrún Guðmundsdóttir á Raufarhöfn tók meðfylgjandi myndir og heimilaði 640.is notkun á þeim.

Háey II á strandstað við Raufarhöfn.

Og hér er búið að draga hana á flot.

Myndband af því þegar Háey II var dregin á flot er hægt að skoða hér