Jóhann Kr. þjálfar Völsung áfram - Sex leikmenn skrifuðu undir

Síðastliðin laugardag var stór undirskrift í vallarhúsinu á Húsavík. 

Þar skrifuðu sex leikmenn undir tveggja ára samninga við Völsung ásamt því sem Jóhann Kristinn framlengdi sinn samning við félagið um tvö ár.

Á heimasíðu Völsungs segir a ð Jóhann Kristinn, eða Jói eins og við þekkjum hann, þurfi vart að kynna. Hann er uppalinn Húsvíkingur og hefur þjálfað hjá Völsungi frá unga aldri bæði yngri flokka og meistaraflokka. Jói hefur þjálfað meistaraflokk karla ásamt 2. flokk karla undanfarin tvö tímabil við góðann orðstír. Mikill stígandi hefur verið í Völsungsliðinu undanfarin tvö tímabil. 2. flokkur fór upp um deild sumarið 2017 og meistaraflokkur karla var hársbreidd frá því að tryggja sér sæti í Inkasso deildinni í sumar sem leið. Mikil ánægja er með undirskrift Jóa.

Við sama tækifæri skrifuðu sex leikmenn undir samninga við félagið. Leikmennirnir sem um ræðir eru Bjarki Baldvinsson, Bergur Jónmundsson, Ólafur Jóhann Steingrímsson, Eyþór Traustason, Daníel Már Hreiðarsson og Kristján Gunnólfsson.

Bjarki Baldvinsson er fæddur árið 1990 og hefur verið fyrirliði Völsungs liðsins undanfarin ár. Hann lék sinn fyrsta meistaraflokksleik fyrir Völsung árið 2006 og hefur síðan leikið 207 leiki og skorað í þeim 38 mörk. Bjarki hefur verið lykilleikmaður í liði Völsunga og síðast í sumar var hann valinn í lið ársins í 2. deild karla.

Bergur Jónmundsson er einnig fæddur árið 1990 og lék sinn fyrsta meistaraflokksleik með Völsungi árið 2008. Bergur hefur síðan leikið 161 leik í Völsungstreyjunni og skorað í þeim 8 mörk. Bergur lék á miðju liðsins í sumar sem leið og var þar í lykilhlutverki.

Eyþór Traustason er fæddur árið 1995 og lék sinn fyrsta leik fyrir meistaraflokk árið 2013. Síðan þá hefur hann leikið 111 leiki fyrir félagið og skorað 5 mörk. Eyþór er öflugur varnarmaður sem hefur leikið stórt hlutvrerk í liðinu á undanförnum árum.

Ólafur Jóhann Steingrímsson er fæddur árið 1999 og lék sinn fyrsta leik fyri meistaraflokk 2015. Síðan þá hefur hann leikið 23 leiki og skorað 2 mörk. Ólafur hefur verið lykilleikmaður í 2. flokk karla sem meðal annars fór upp um deild sumarið 2017. Ólafur hefur verið að fá stærra hlutverk í meistaraflokknum og verður gaman að fylgjast með honum á komandi tímabili.

Daníel Már Hreiðarsson er fæddur árið 2000. Daníel er ungur og efnilegur sóknarmaður sem hefur spilað stórt hlutverk í 2. flokk karla undanfarin ár.

Kristján Gunnólfsson er fæddur árið 2000. Kristján er ungur og efnilegur varnarmaður sem hefur spilað stórt hlutverk í 2. flokk karla.

Við sama tækifæri var Knattspyrnustefna Völsungs gerð opinber og má finna hana inná heimasíðu Völsungs. 

Mikil ánægja er með undirskrift þessara aðila. Einnig er unnið áfram í samningamálum leikmanna og má búast við frekari féttum af þeim efnum á næstu dögum.