Íslenskar söngperlur í áranna rás

Í kvöld fyllist Safnahúsið af fögrum tónum þegar tónlistarkonurnar Þórhildur Örvarsdóttir söngkona og Helga Kvam píanóleikari sækja húsvíkinga heim.

Íslenskar söngperlur í áranna rás
Fréttatilkynning - - Lestrar 558

Helga og Þórhildur Lj. Daníel Starrason.
Helga og Þórhildur Lj. Daníel Starrason.

Í kvöld fyllist Safnahúsið af fögrum tónum þegar tónlistarkonurnar Þórhildur Örvarsdóttir söngkona og Helga Kvam píanóleikari sækja húsvíkinga heim.

Á dagskrá tónleikanna eru íslenskar söngperlur allt frá Sigvalda Kaldalóns til Megasar. 

Þær Þórhildur og Helga hafa starfað saman í nokkur ár og eru báðar í kvennahljómsveitinni Norðlenskar konur í tónlist, þær opnuðu tónleikaröð Listasumars á Akureyri með dagskránni Íslenskar söngperlur í áranna rás fyrir fullum sal.

Í lok sumars fóru þær í tónleikaferð hringinn í kring um landið og var gríðar vel tekið. Þórhildur og Helga eru þekktar fyrir einstakan samhljóm og skemmtilega sviðsframkomu og er óhætt að lofa góðri kvöldstund þar sem íslensku söngperlurnar í gegnum árin munu draga fram minningar þeirra sem á hlýða.

Miðaverð er krónur 2500 við innganginn. 


  • Herna

640.is | Ábyrgðarmaður Hafþór Hreiðarsson | vefstjori@640.is | Sími: 895-6744