Hrútadagurinn á Raufarhöfn - DagskráFréttatilkynning - - Lestrar 360
Hrútadagurinn á Raufarhöfn verður haldin hátíðlegur þann 4. október 2014 í Faxahöllinni kl 15:00.
Ýmislegt spennandi verður á dagskrá og má þá nefna:
- Guðni Ágústsson verður á staðnum og setur daginn
- sölubásar með ýmsan varning og kjötsúpa til sölu
- Kótelettufélag Íslands kemur á svæðið og velur besta kótelettuhrútinn
- skemmtiatriði frá hrútavinafélaginu Örvari
- ómskoðun og stigunn á líflömbum
- hrútahlaup sem enginn ætti að missa af
- hrútadagsnefnd stígur á svið með óvænta uppákomu
- svo er rúsínan í pylsuendanum, sala á hrútum sem gæti endað með uppboði
Ekki er allt gamanið búið því kl. 21:00 komum við saman í félagsheimilinu Hnitbjörgum og förum á hagyrðingakvöld sem enginn ætti að láta framhjá sér fara.Þar fer einnig fram verðlaunaafhending fyrir afurðahæstu ánna og ekki má gleima Jóhannesi Kristjánssyni eftirhermu sem skemmtir okkur í hléinu. Hagyrðingar kvöldsins eru Jónas Friðrik Guðnason, Ágúst Marínó Ágústsson, Friðrik Steingrímsson, Jóhannes Sigfússon og stjórnandi er Birgir Sveinbjörnsson.
Við endum svo kvöldið með stórskemmtilegum dansleik með Dansbandinu frá Akureyri.
Aðgangseyrir á hagyrðingakvöldið og ballið er 4500 krónur.
Ekki láta þennan glæsilega og einstaka dag framhjá þér fara en hér ættu allir að finna eitthvað við sitt hæfi.