Hólmfríður fyrst íbúa á Hvammi til að fá bólusetningu við kórónuveirunni

Katrín bólusetur Hólmfríði Hilmu.

Hólmfríður Hilma Sigurðardóttir var fyrst íbúa dvalarheimilsins Hvamms á Húsavík til að fá bólusetningu við kórónuveirunni. 

Fyrstu skammtar af Pfizer bólu-efninu bárust á Norðurlandið í dag og var það afhent á starfsstöðvum HSN á Blönduósi, Sauðárkróki, Siglufirði, Dalvík, Akureyri og Húsavík þangað sem það kom rétt fyrir kl. 15.

Bólusetningin á dvalarheimilinu Hvammi fór fram nú síðdegis en áður höfðu einhverjir starfsmenn HSN fengið bólusetningu. Eins og áður segir varð það Hólmfríður Hilma, sem varð 100 ára fyrr á árinu, sem reið á vaðið og síðan vorur heimilismenn bólusettir hver á fætur öðrum.

Í þessari fyrstu sendingu komu 100 skammtar til HSN á Húsavík og ganga íbúar Hvamms og Skógarbrekku fyrir við bólusetningar reiknað er með að næsta sending af bóluefninu berist eftir um tvær vikur.

Katrín Guðmundsdóttir hjúkrunarfræðingur á HSN á Húsavík sést hér gefa Hólmfríði bólusetninguna sem hún tók vel enda sagðist hún alvön þeim.

Bóluefnið gegn Covid-19 sjúkdómnum kom til HSN á Húsavík um miðjan dag í dag.

Ljósmynd Gaukur Hjartarson.