Heiðurshornið til Flosa og Unnar á HrafnstöðumAlmennt - - Lestrar 442
Aðalfundur Búnaðarsambands Suður-Þingeyinga var haldinn sl. fimmtudag í Kiðagili í Bárðardal.
Á fréttavefnum 641.is segir að 28 fulltrúar af 30 hafi mætt til fundar auk formanns og Unnsteins verkefnisstjóra Heimaslóðar.
Á fundinum ríkti frábær andi og líflegar umræður í nefndum. Fyrir fundinum lágu mörg málefni sem þurfti að leiða til lykta. Samstaða náðist um þær ákvarðanir sem teknar voru.
Á fundinum voru að venju veitt verðlaun. Hvatningaverðlaun BSSÞ í sauðfjárrækt og Heiðurshornið féllu að þessu sinni í skaut þeirra Unnar Pétursdóttur og Flosa Gunnarssonar á Hrafnstöðum.
Þá voru veitt verðlaun fyrir bestu kýr fæddar 2012 sem byggist á eigin afurðum og kúadómum. í 1. sæti var kýrin Von frá Dæli.. Í 2. sæti kýrin Klemma frá Steinkirkju og í 3. sæti var Sól frá Búvöllum.
Viðurkenningu fyrir áratugalangt og farsælt starf á vegum búnaðarsambandsins fékk Ingvar Vagnssson og þá fékk viðurkenningu Valþór Freyr Þráinsson fyrir virka innkomu að félagsmálum bænda og hvetjandi framgöngu í nýju starfi.