Hafa áhyggjur vegna þeirrar hættu sem skapast við einbreiða brú

Við Skjálfandafljótsbrú í dag.

Á 243. fundi Sveitarstjórnar Þingeyjarsveitar í gær var m.a. rætt um umferðarþunga við Goðafoss og um þá hættu sem skapast vegna einbreiðrar brúar yfir fljótið.

Eftirfarandi var samþykkt á fundinum:

Sveitarstjórn lýsir áhyggjum sínum vegna þeirrar hættu sem skapast við einbreiða brú yfir Skjálfandafljót við Goðafoss þegar umferð er sem mest á svæðinu.

Sveitarstjórn óskar eftir því við Vegagerðina að hún kanni kosti þess að setja upp umferðarstýrð ljós við brúna þar sem ný tvíbreið brú er ekki væntanleg á næstu árum samkvæmt samgönguáætlun.

Sveitarstjóra falið að fylgja málinu eftir.

Alla fundargerðina má lesa hér.