Guðmundur og Fanney færðu björgunarsveitinni flatskjá að gjöf

Birgir formaður Garðars tók við gjöfinni.

Hjónin Guðmundur Salómonsson og Fanney Óskarsdóttir færðu Björgunarsveitinni Garðari góða gjöf á dögunum.

Þau hafa, í stað þess að kaupa flugelda um áramót, safnað saman þeim peningum sem annars hefðu farið til flugeldakaupa og keyptu 55“ Philipsflatskjá til notkunar í stjórnstöð björgunarsveitarinnar.

Guðmundur hefur starfað í björgunarsveitinni í tugi ára, setið í stjórn Almannavarnardeildar Þingeyinga sem og svæðistjórnar Garðars. Honum fannst vera þörf fyrir þetta tæki í stjórnstöðina en þaðan hefur Guðmundur stýrt mörgum aðgerðum sveitarinnar.

Með uppsetningu á svona tæki getur stjórnandi aðgerða varpað aðgerðum upp á skjá og hafa allir stjórnendur betri yfirsýn yfir aðgerðir. Þar sem tæknin er það öflug í dag að í stjórnstöð er hægt að fylgjast með ferðum tækja og mannskaps í gegnum Tetrakerfið á Tölvuskjá. 

Fanney hefur líkt og Guðmundur verið kraftmikil í starfi björgunar-sveitarinnar í gegnum árin. Hún starfaði einnig í Slysavarnardeild kvenna til margra ára en færði sig síðar yfir í Garðar þar sem hún staðið vaktina við að sinna þeim björgunarsveitarmönnum sem fara út á vettvang aðgerða. 

Þða var Birgir Mikaelsson formaður Björgunarsveitarinnar Garðars sem tók við gjöfinni og vill björgunarsveitin færa þeim hjónum bestu þakkir fyrir þessa frábæra gjöf sem mun nýtast vel í framtíðinni