Gjafir til barna sem þurfa sjúkraflutning

Frá afhendingu bangsanna. Lj. langanesbyggd.is

Þær stöllur, Hrafngerður Ösp Elíasdóttir og Helga Jóhannesdóttir afhentu sjúkraflutningamönnum í Langanesbyggð 15 handprjónaða litla bangsa til að hafa í sjúkrabílnum og gefa börnum sem þurfa að sjúkraflutning af einhverjum ástæðum.

Á heimasíðu Langanesbyggðar segir að bangsarnir hafi verið afhentir laugardaginn 17. febrúar sl. í tilefni 1-1-2 dagsins sem frestað var um viku vegna veðurs. Á myndinni sem tekin var af tilefninu, t.v. Helga Jóhannesdóttir, Þorsteinn Ægir Egilsson og Þórarinn J. Þórisson sjúkraflutningamenn og Hrafngerður Ösp.

Við afhendinguna sögðu þær að í undirbúningi væri samskonar gjöf fyrir sjúkraflutningabílana á Kópaskeri og Raufarhöfn. Ennfremur að þegar og ef þessir kláruðust, yrðu gerðir fleiri.