19. okt
Gamla myndin - Þóttu illa þefjandiAlmennt - - Lestrar 401
Þorvaldur, Jón Ásberg og Ásbjörn.
Það er vel við hæfi að gamla myndin að þessu sinni tengist Hvalasafninu sem var í fréttum um helgina.
Myndin var tekin 28. febrúar 2003 og sýnir þá Ásbjörn Björgvinsson þáverandi framkvæmdastjóra Hvalasafnsins á Húsavík, Þorvald Björnsson hamskeri hjá Náttúru-fræðistofnun Íslands og Jón Ásberg Salómonsson.
Þeir voru að taka tvo sundurhlutaða hvali af pallbíl við Saltvík en þarna var um að ræða háhyrning og grindhval sem báða rak á fjörur við Suðausturland, nálægt Stokksnesi.
Annan þeirra hafði rekið á land rúmu ári áður þarna var komið við sögu en hinn nokkrum mánuðum síðar.
Þorvaldur og Jón Ásberg komu með þá frá Hornafirði og vöktu víst athygli þar sem þeir höfðu viðdvöl á leiðinni, þóttu illa þefjandi.
Þorvaldur, Jóns Ásberg og Ásbjörn glaðbeittir á svip.
640.is á Facebook