Gamla myndin - Fengu 10 rjúpur fyrsta veiðidaginnGamla myndin - - Lestrar 684
Rjúpnaveiðitímabilið hefst á morgun og því er upplagt að gamla myndin að þessu sinni tengist rjúpnaveiði.
Myndin var tekin á fyrsta degi rjúpnaveiðitímabilsins 2005 sem var það fyrsta að loknu tveggja ára veiðibanni.
Morgunblaðinu birti eftirfarandi frétt.
Jósef Matthíasson var einn margra húsvískra veiðimanna sem héldu til rjúpnaveiða á laugardaginn þegar veiði hófst að nýju eftir tveggja ára veiðibann.
Hann hélt á Þeistareykjasvæðið með félaga sínum Birgi Mikaelssyni og höfðu þeir 10 rjúpur upp úr krafsinu. Þeir sögðu ekki mikið af rjúpu á svæðinu, a.m.k. ekki þennan dag og hún væri ljónstygg. Höfðu þeir svipaða sögu að segja af þeim veiðimönnum sem þeir höfðu spurnir af og hittu á þessu svæði í ferð sinni.
En þeir Jósef og Birgir voru þó kampakátir með feng fyrsta dagsins og sögðu að ekki mætti taka allan skammtinn í fyrstu ferð, nú væri ástæða til að fara aftur síðar.
Jósef Matthíasson með feng fyrsta veiðidags rjúpnaveiðitímabilsins 2005.