Fugla- og náttúruskoðunarskýli sett upp í Norðurþingi

Útsýnið úr fuglaskýlinu við Svarðarmýrartjörn.

Að undanförnu hafa verið sett upp fugla- og náttúru-skoðunarskýli í Norðurþingi.

Skýlin eru þrjú og eru staðsett við Kópasker, annað í landi Höskuldarness á Sléttu, rétt norðan Raufarhafnar og hið þriðja við Svarðarmýrartjörn sem er ein Kaldbakstjarna sunnan Húsavíkur.

Unnið er að uppsetningu skýlisins við Svarðarmýrartjörn þessa dagana.

Fuglastígur á norðausturlandi og Norðurþing eiga veg og vanda af uppsetningu skýlanna en verkefnið er styrkt af Framkvæmdasjóði ferðamannastaða. 

Fuglastígur hefur annast undirbúning vegna skýlanna en Norðurþing haldið utan um uppbygginguna og verður formlegur eigandi þeirra.

Skýlin eru hönnuð af norsku arkitektastofunni Biotope sem sérhæfir sig í hönnum slíkra skýla út um allan heim. Við hönnun þeirra er tekið mið af veðuraðstæðum hér heima og þannig að fuglar forðist þau ekki. Skýlin eru byggð úr timbri, en að misstórum hluta klædd með Cortex-stáli sem ætlað er að ryðga.

Það er Trésmiðjan Rein sem sér um smíði þeirra og uppsetningu.

Við Höskuldarnes.

Við Kópasker.

Þessa dagana er unnið að uppsetningu skýlisins við Svarðarmýrartjörn.

Ljósmyndirnar tók Gaukur Hjartarson.