Fannar Emil ráðinn yfirmatráður skólamötuneytis Húsavíkur

Fannar Emil Jónsson. Lj. aðsend.

Fannar Emil Jónsson hefur verið ráðin yfirmatráður skólamötneytis Húsavíkur og mun hann hefja störf 1. ágúst.

Í tilkynningu á heimasíðu Norðurþings segir að Fannar Emil hafi lokið sveinsprófi í matreiðslu árið 2016 og meistararéttindanámi í matreiðslu frá Hótel og veitingaskólanum í Kópavogi árið 2018.

Fannar Emil hefur starfað sem matreiðslumaður frá árinu 2016 á ION hótel á Selfossi, Canopy by Hilton Hótels í Reykjavík og Icelandair hótel Reykjavík Natúra í Reykjavík.

Frá því í júní 2018 hefur Fannar Emil starfað sem matreiðslumeistari hjá Bláa lóninu í Grindavík og sem yfirmatreiðslumeistari Icelandair Hótel Mývatn þar sem hann hefur séð um rekstur og stjórnun eldhúss ásamt innkaupum og almennu gæðaeftirliti.