Völsungsstelpurnar með sigur í Lengjubikarnum

Krista Eik kom Völsungum á bragðið.

Völsungsstelpurnar tóku á móti Einherja frá Vopnafirði í Lengjubikarnum í dag en leikið var á gervigrasvellinum.

Þær unnu nokkuð þægilegan sigur þar sem öll þrjú mörkin voru skoruð í fyrri hálfleik.

Krista Eik Harðardóttir kom Völsungum á bragðið með marki eftir tæplega hálftíma leik og þær Lovísa Björk Sigmarsdóttir og Dagbjört Ingvarsdóttir skoruðu svo sitt markið hvor á 35. og 40. mínútum leiksins.

Hér má lesa leikskýrslu leiksins

Hér má sjá stöðuna í 3 riðli C-deildar Lengjubikarsins

Hér að neðan eru nokkrar myndir sem ljósmyndari 640.is tók í síðari hálfleik leiksins.

Með því að smella á myndirnar er hægt að fletta þeim og skoða í stærri upplausn.

Dagbjört Ingvarsdóttir einn af marakaskorurum dagsins reynir skot að marki.

Áslaug Munda Gunnlaugsdóttir að sleppa í gegn.

Krista Eik Harðardóttir skoraði fyrsta mark Völsungs í leiknum.

Harpa Ásgeirdóttir sækir að marki Einherja.

Arnhildur Ingvarsdóttir í baráttu um boltann.

Áslaug Munda sækir upp miðjuna. Dómari leiksins var Arnar Þór Stefánsson Haraldssonar.

Hulda Ösp Ágústsdóttir í þann veginn að senda boltann fyrir mark Einherja.

Fyrirliðinn Jana Björg Róbertsdóttir sækir að marki gestanna í hornspyrnu.

Bergdís Jóhannsdóttir með boltann.

Ragnheiður Ísabella Víðisdóttir sækir upp kantinn.

Ríkey Sigurgeirsdóttir var ein af mörgum ungum leikmönnum sem fengu tækifæri í dag.

Elva Mjöll Jónsdóttir geysist upp kantinn.