Breytingar hjá Eyþingi

Stjórn Eyþings samþykkti á fundi sínum þann 12. mars s.l. að fela formanni stjórnar, Hildu Jönu Gísladóttur tímabundið verkefni framkvæmdastjóra Eyþings frá og með 15. mars.

Í tilkynningu segir að staða framkvæmdastjóra verði auglýst eins fljótt og auðið er að liðnum aukaaðalfundi sem haldinn verður þann 9. apríl nk, en á þeim fundi verður tekin afstaða til mögulegs samruna/aukins samstarfs Eyþings og atvinnuþróunarfélaganna á svæðinu. 

Þá hefur Páll Björgvin Guðmundsson sem sinnt hefur verkefnum fyrir Eyþing á síðustu misserum horfið til annara verkefna.