Staðsetning og tími Hlaupið er haldið laugardaginn 25. júlí og hefst kl. 10:30 við norðvestanvert Botnsvatn. Botnsvatn er einn af útivistarstöðum Húsvíkinga og þar er að finna fallega fjölbreytta náttúru og dýralíf og þægilegan göngustíg umhverfis vatnið.
Vegalengdir Boðið er upp á 3,3 km og 8,3 km hlaup eða göngu.
Leiðin Þátttakendur ráða hvort þeir ganga, skokka eða hlaupa þær tvær vegalengdir sem eru í boði:
- 3,3 km. vegalengd. Hefst við norðanvert Botnsvatn og farið er meðfram vatninu að norðanverðu og síðan niður Búðarárstíginn meðfram Búðará, fram hjá vatnsveitu og niður í Skrúðgarðinn á Húsavík, þar sem endamarkið er við Kvíabekk. Nokkur lækkun er frá Botnsvatni og niður í Skrúðgarð. Þægilegur stígur við allra hæfi í fallegu umhverfi.
- 8,3 km. vegalengd. Hefst við norðanvert Botnsvatn, farinn er rúmlega einn hringur rangsælis um vatnið, síðan niður Búðarárstíginn meðfram Búðará og niður í Skrúðgarðinn þar sem endamarkið er við Kvíabekk. Drykkjarstöð er eftir 5,6 km. leið.
Verðlaun Fyrsta konan og fyrsti karlinn í lengra (8,3 km.) hlaupinu fá verðlaun og auk þess munu nokkrir heppnir þátttakendur fá útdráttarverðlaun.
Nánari upplýsingar og skráning Nánari upplýsingar um Botnsvatnshlaup Landsbankans veita Guðmundur 861-0182, Ágúst 864-6601, Jón Friðrik 864-1295 og Heiðar 866-7100. Mikilvægt er að skrá sig í netfangið skokkihlaup@gmail.com eða síma 864-1295 (fullt nafn, fæðingarár og vegalengd) fyrir kl. 20:00 föstudaginn 24.07.2015. Skráning einnig upp við Botnsvatn á laugardeginum frá kl. 09:30. Þeir sem skráð sig við Botnsvatn á hlaupadag greiða kr. 500 í þátttökugjald, fyrir hina sem skrá sig á netfangið fyrir kl. 20:00 á föstudag kostar ekkert.
Annað Við endamarkið í Skrúðgarðinum á Húsavík verður boðið upp á drykki. Botnsvatn er um 2,5 km. frá miðbæ Húsavíkur, þangað er góður akvegur (upp frá Ásgarðsvegi). Þátttakendum er ráðlagt að leggja bílum upp við bílastæðið við norðurenda vatnsins, þar hefst hlaupið í ár. Skrúðgarðurinn er við miðbæ Húsvíkur.
|