Farið yfir viðbragðsáætlun vegna jarðskjálfta

Farið yfir viðbragðsáætlun vegna jarðskjálftavá.

Björgunarsveitin Garðar kom saman í Nausti, húsi björgunarsveitarinnar, nú undir kvöld.

Í fréttatilkynningu segir að tilefnið hafi verið óvissustigið sem almannavarnir hafa lýst yfir vegna jarðskjálfta úti fyrir Norðurlandi.

"Farið var yfir búnað Garðars ásamt því að fara yfir viðbragðsáætlun sem almannavarnir hafa gert fyrir jarðskjálfta í Þingeyjarsýslu.

Björgunarsveitin Garðar, ásamt fimm öðrum björgunarsveitum í nágrenninu, gegna veigamiklum hlutverkum sem fyrir eru hér á okkar svæði og sannast því enn og aftur hve björgunarsveitir eru mikilvægir hlekkir í hverju samfélagi.

Björgunarsveitir eru reknar fyrir styrkarfé og er öll fjáröflunarvinna, þjálfun og útköll unnin í sjálboðaliðastarfi". Segir í tilkynningunni.

Þá vill Björgunarsveitin Garðar hvetja íbúa á Húsavík og nærsveitum til að kynna sér heimasíðu almannavarnadeildar ríkislögreglustjóra (www.almannavarnir.is)

Þar má nálgast upplýsingar um ýmsar varnir til að draga úr tjóni og/eða slysum í jarðskjálfta, bæði á heimilum og vinnustöðum.