Aron og Hekla vinsælustu nöfnin árið 2018

Þjóðskrá Íslands hefur tekið saman vinsælustu nafngjafir síðasta árs. Þar kemur fram að karlmannsnafnið Aron var vinsælasta nafnið fyrir sveinbörn og Hekla vinsælasta kvenmannsnafnið. 

Á heimasíðu Þjóðskrár segir að alls var 30 sveinbörnum gefið nafnið Aron en næst kom nafnið Kári sem 22 sveinbörnum var gefið. Þriðja algengasta karlmannsnafnið var Brynjar.

Af stúlkunöfnum voru 17 stúlkur skírðar Hekla í höfuðið á þessu fræga eldfjalli og 16 stúlkum var gefið nafnið Embla. Í þriðja sæti komu  svo nöfnin Anna og Emilía.