30. jún
Á eftir bolta kemur HálfvitiFréttatilkynning - - Lestrar 627
Ljótu hálfvitarnir hafa bara einu sinni spilað fótboltaleik, og þá við stelpur.
Þeir hafa hinsvegar oft haldið tónleika á Græna hattinum, og af því þeir eru ekki vitlausari en raun ber vitni þá ætla þeir að halda sig við það sem þeir kunna (svona næstum).
Um Pollamótshelgina á Akureyri munu Hálfvitar því skemmta þeim sem það vilja þiggja á fyrrnefndum Hatti fimmtudags-, föstudags-, og laugardagskvöld.
Besta upphitunin, og óbrigðult ráð við náratognunum, krossbandsslitum og stuðningsmannaraddleysi er að kíkja á Hálfvitana á hattinum, segja sjúkraþjálfarar. Eða voru það hómópatar?
Allavega: Meðferðin hefst kl. 21 á fimmtudagskvöldið en kl. 22 hin síðari. Dómarar fá frítt inn. Djók. Forsala er í gangi í Eymundsson, Hafnarstræti og á midi.is.