10 bekkur Borgarhólsskóla frumsýnir Jóladagatalið í dagAlmennt - - Lestrar 150
Nemendur 10. bekkjar Borgarhólsskóla frumsýna leikritið Jóladagatalið í Samkomuhúsinu í dag.
Leikstjóri er Jóhann Kristinn Gunnarsson og höfundar verksins eru Arnlín Óladóttir, Ásmundur Vermundsson, Einar Indriðason, Ester Sigfúsdóttir & Jón Jónsson.
Það eru vandræði í jólasveinahellinum enda líður að jólum og margt um að vera. Grýla & Leppalúði eru ásamt jólasveinunum önnum kafin við að undirbúa jólin. En hvað gerist í hellinum? Leikhúsgestir fara í heimsókn í hellinn og upplifa ýmis ævintýri þessari sérkennilegu fjölskyldu.
Æfingar hafa staðið yfir að undanförnu og mikil tilhlökkun meðal nemenda. Verkefnið er liður í fjáröflun 10. bekkjar fyrir skólaferðalagi en um leið æði mikið nám; að koma fram, skapa og túlka, stýra ljósum, hanna forsíðu á leikskránni o.fl (borgarholsskoli.is)