„Ráðherra ætlar að keyra málið í gegn án samráðs við heimamenn“

Fyrirhuguð sameining heilbrigðisstofnana á Norðurlandi var til umfjöllunar á fundi bæjarráðs Norðurþings síðastliðinn fimmtudag. Fyrir fundinum lág erindi

Þingeyingar slógu eitt sinn skjaldborg um HÞ!
Þingeyingar slógu eitt sinn skjaldborg um HÞ!

Fyrirhuguð sameining heilbrigðisstofnana á Norðurlandi var til umfjöllunar á fundi bæjarráðs Norðurþings síðastliðinn fimmtudag. Fyrir fundinum lág erindi um málið frá Gunnlaugi Stefánssyni. Bæjarráð Norðurþings bókaði um málið í kjölfarið.

Bókunin er eftirfarandi:

Bæjarráð Norðurþings ítrekar andstöðu sína og harmar setningu reglugerðar heilbrigðisráðherra um sameiningu heilbrigðisstofnana á Norðurlandi.  Fyrirhuguð sameining er í mikilli andstöðu við vilja íbúa á svæðinu.

Ráðherra ætlar að keyra málið í gegn án samráðs við heimamenn og án allra tilrauna til að gera íbúum grein fyrir ávinningi sameiningarinnar.  Bæjarráð brýnir fyrir stjórnvöldum að hlusta á og virða vilja íbúa við setningu laga- og reglugerða.  Einnig leggur bæjarráð áherslu á að samráð skuli ekki eingöngu vera í orði heldur líka á borði.

Bæjarráð bendir á að Heilbrigðisstofnun Þingeyinga hefur um árabil byggt upp sérhæfða þjónustu ólíkra byggðarlaga í Þingeyjarsýslum á víðfemu og samgöngulega erfiðu svæði. Þá hefur Dvalarheimilið Hvammur verið samrekið með Heilbrigðisstofnun Þingeyinga.


  • Herna

640.is | Ábyrgðarmaður Hafþór Hreiðarsson | vefstjori@640.is | Sími: 895-6744